当前位置:主页 > 社区生活 >

【轮证赢家】「圆底」生效?


2020-06-13


【轮证赢家】「圆底」生效?放大图片

噚日拣咗只恒指熊(56963)同恒指熊(56899)出嚟,讲到明只限day trade,因为两只熊证其实槓桿都唔细;而喺噚日下昼1点20分至1点55分呢段时间,趁恒指5分钟图SlowSTC(14,3)上到8X以上超买水平时落场嘅话,按呢段时间(56963)同(56899)高低位分别做过$0.04/$0.036同埋$0.059/$0.056,平均买入价就係$0.038同$0.0575。

可能噚日被出版社激到我火烧心咁滞啦,见到喺下昼3点5分时,恒指5分钟图SlowSTC(14,3)再次回落到超卖水平,仲要係得1X呢啲数值,于是将(56963)同(56899)心急走货,跟手仲离开咗公司一阵,事关有位大佬可能见到我燥底燥到无药可救,于是就忽然请个下昼假,再帮我去追返张票返嚟(喺呢度,再次感谢噚日帮我山长水又远咁去拎完张票出嚟市区再搵我交收);如果仍然坐喺个电脑前面专心咁炒嘅话,其实喺恒指5分钟图见3点10分开始至收市时,其实条SlowSTC(14,3)一直Keep住喺超卖水平,按呢段时间(56963)同(56899)高低位再拉个平均价嘅话,就分别係$0.043同$0.063,都叫做有逾一成嘅赚幅呀。

今日见恒指开局造好,事关大家都睇好中美新一轮嘅贸易谈判,喺噚晚美股同今朝日经带动下,港股开市升279点,报25986点;依家10点33分,恒指升幅进一步扩大至378点,26078点。日线图上见恒指今日大裂口向上弹起,仲上咗条10天线(25943点),下方SlowSTC(14,3)%K线同%D线见明显嘅低位回升,就咁睇好似係一个转势形态。

按上述嘅技术分析,再配喺阴阳烛图上嘅话,咁之前嘅「圆底」似乎今日发挥效力,只不过喺个「圆底」有啲起角,做得唔係咁靓啫;但对于可能噚日见恒指临收市前成个钟SlowSTC(14,3)都喺处于超卖水平而偷位入只恒指牛/Call落场嘅话,咁今日见个市咁弹法,理得个「圆底」起角同崩边呀。

开埋恒指牛熊证街货图,截至依家10点55分止,恒指高位暂时做过26106点,换言之上方最贴价嗰两层25900至25999点,同26000至26099点都已经全数死亡,而呢两层夹埋有相当于684张期指,按恒指现价(10点56分mark低26062点计)点都同上方熊证近啲,BTW,26200至26299点仍然都係熊证重货区,呢度有相当于834张期指,连同依家最贴价嘅26100至26199点嗰122张期指街货,单喺呢度都有相当于956张期指,就算唔今日食埋,只要个市继续keep住呢个势,下个星期随时开餐。

点样先可以keep住个势?就睇吓特朗普同大陆个贸易谈判倾成点,顺便睇吓救唔救得返喺South Park裏面死咗嘅云尼The宝啦。

作者阿珊,任财经/投资版传媒人十几年,《钟摆战略赢港股》作者。用技术分析专心玩轮证,唔贪心,志在搵餐下午茶。

电邮:[email protected];FB:轮证赢家



上一篇:
下一篇: