当前位置:主页 > L生活店 >

【轮证赢家】Day Trade 好啦


2020-06-13


【轮证赢家】Day Trade 好啦放大图片

噚日本身谂住见到友邦(01299)绩前受压,拣定只Put(16828)出嚟睇吓有无位可以小注落场,博佢第二日就算业绩靓仔,但都敌不过市跌呀,结果下个下昼友邦5分钟图SlowSTC(14,3)只见喺中轴横行,根本就搵唔到位落场。

今朝起身,业绩係符合市场预期,大行都无话啲乜,今朝友邦股价高开升1.4%,开市报$77.35,升穿20天线($77.223),不过到依家9点51分止,暂呈高开低收,见呢排友邦被条20天线顶住,贪心鬼想用佢5分钟图上嘅SlowSTC(14,3)吼就嚟上到超买,打算轮淡仓做day trade嘅话,你可以用返只(16828),因为呢只Put都有19.6倍槓桿,一係就拣只熊证槓桿係高过(16828)嘅。依家10点4分,友邦5分钟图上嘅SlowSTC(14,3)準备回落,快手嘅小注吼呢一注。

换返去睇恒指,5分钟图都见到SlowSTC(14,3)上到8X呢啲位,Day trade就準备着手一只高槓桿熊落镬,可能好似打边炉烚响铃咁动作要快。拉返个日线图出嚟睇,依家10点7分,恒指暂呈「十字星」依家虽然点数上仲係升紧,不过日线图上粒烛嘅位置就下行咗,仲贴近返10天线(25857点)水平。

至于恒指牛熊证街货图方面,牛熊两边都未见有新增街货层,两边最贴嘅分别係25900至25999点同26300至26399点,中间位仍然都係(26300+25999)/2=26149.5。按目前10点10分恒指现价26100点计,数值上的确係处于中间位之下,但讲紧都只係相差49.5点,实在不为过。

呢几日大市咁吽,有估过个市係想储多啲街货先至再杀,望望月曆,今日都823啦,下个星期四(8月29日)就期结;再睇多次个街货图,熊证最贴价嗰层26300至26399点,有相当于440张期指,但重货区就向下移咗一层,至26400至26499点,有相当于687张期指。而本身重货区位置26500至26599点,今日睇就得返590张期指,有126张喺噚日流走咗。

下方牛证最贴价就係25900至25999点啦,呢度有相当于748张期指,仍然都係牛证重货区,只係新增期指张数唔多;至最多新增嘅层数就係25700至25799点,呢度新增咗239张期指,total见到有596张期指。

依家10点24分,拆恒指5分钟图见恒指今朝chok完两嘢跟手再向下行,依家见SlowSTC(14,3)仍然处于7X水平,偷位入熊唔係唔可以,但一定要动作快,一来今日星期五,唔觉意过夜就变过weekend;二来今晚美联储主席鲍威尔将会喺今晚(香港时间)举行嘅央行年会上发表讲话,被外界视为「寻找联储的未来政策」,你点知佢会讲乜?再者,就算你估到佢讲乜,你估到特朗普唔会接力?

作者阿珊,任财经/投资版传媒人十几年,《钟摆战略赢港股》作者。用技术分析专心玩轮证,唔贪心,志在搵餐下午茶。

电邮:[email protected];FB:轮证赢家



上一篇:
下一篇: